माझे श्रद्धास्थान , माझे सदगुरू डॉ . अनिरुद्ध बापू
साधारण २००३ पासून मी बापूंकडे यायला लागलो . सुरुवातीला फक्त
सांघिक उपसानेतच सहभागी होत असतानाच एकदा बापूंचे प्रवचन ऐकले आणि ते मनाला
भिडले . तोपर्यंत आजूबाजूची परिस्थिती पाहता कुठेतरी मनात राहून राहून
वाटायचे , कि खरच हि परिस्थिती बदलायला हवी . कशी ते माहित नव्हत …. पण
वाटायचं तस. अगदी क्षुल्लक कारणावरून डिप्रेशन मध्ये जाणारया ह्या
सध्याच्या युगात कुणीतरी पाठबळ देणारं … आत्मविश्वास वाढवणारं . खऱ्या
अर्थानं "मनाला सामर्थ्य" देणारं .
बापूंचे विचार प्रवचनातून ऐकल्यावर त्यांचे कार्य पाहिल्यावर खात्री वाटू
लागली कि , होय असचं हवं होत कोणीतरी . एक सच्चा मित्र , एक आश्वासक
पाठीराखा , एक प्रबळ मार्गदर्शक …!
बऱ्याचदा लोक विचारतात , कि तुमचे बापू काय करतात ? त्यावर आमचे एकच
उत्तर असते , आमचे बापू स्वत: भक्ती करतात व आमच्याकडून भक्ती करून घेतात .
बापूंच्या प्रवचनांमधून , लेक्चर्स मधून आजपर्यंत एवढ्या विविध विषयांवर
सखोल माहिती ऐकल्यावर न राहवून एक प्रश्न पडायचा , कि एखाद्याला मानवी
पातळीवर इतक्या विविध विषयांची सखोल माहिती कशी काय असू शकते ? हे फक्त
सदगुरू तत्त्वालाच जमू शकते . पण बापू त्यांनी लिहिलेल्या ग्रंथांमध्ये
स्पष्टपणे स्वत:च्या सहीनिशी हे मांडतात कि , 'मी कोणाचाही अवतार नाही ,
मी आधीही अनिरुद्धच होतो , व आजही अनिरुद्धच आहे '.
मित्रानो आजवर देवाची भक्ती करायला सांगणारे बरेच भेटले , पण ती
भक्ती कशी करायची हे सांगणारा भेटला तो हा एकच …. देवाकडे काय मागायचे व
काय प्रार्थना करायची हे प्रेमाने समजावून सांगणारा हाच माझा सदगुरू .
0 comments:
Post a Comment